Aire Dhuit, A Mhamaí!



Aire dhuit, a mhamaí,
Tá mise ag teacht go fann,
Tar éis obair dhian na scoile
Ná bíodh an bia gann.

Aire dhuit a mhamaí,
Tá daid ag teacht isteacht,
Bhí sé seal ag jagáil,
Beidh sé tuirseach mórtasach.

Aire dhuit, a mhamaí,
Tá Spota chugainn sa tslí
Ag rith ó bharr na sráide,
Is mian leis d’aghaidh a lí.

Aire dhuit, a mhamaí,
Tá na gréithre trom salach,
Ná luaigh liom iad a ghlanadh,
Ní mór dom dul amach.

Aire dhuit, a mhamaí,
Tá mise ag dul a luí,
Nuair a éireoidh tú ar maidin
Ní bheidh éinne ina shuí.

Aire dhuit, a mhamaí,
Ag iarraidh dul a luí,
Ba mhaith liom tú a phógadh
Is a fháscadh le mo chroí.

Scríofa ag Barry Tobin, 9 Samhain 1993.



Nascanna don Ghaeilge / Links to Irish / Gorgysylltiadau i’r Wyddeleg.

Abhaile/ Hafan / Home