Mol Dia, a Fhile

Mol Dia, a fhile,
Is tabharfar neamh don té
‘Mheabhóidh id dhiaidh do mholadh,
Más moladh fónta é.

Is meabhraigh féin an moladh
‘Thug Dallán Forcaill féin
Do Cholm Cille in Ulaidh,
Is gheobhairse flaitheas Dé.

Is ait leat sin, a fhile,
Dar leat gur dána an té
A gheallfadh neamh don duine
‘Mheabhróidh t’fhilíocht id dhéidh:

Ach tuig nach tusa, a fhile,
A luathaigh línte ón spéir,
Ná a chuir do chaint trí thine
Is ceol na n-aingeal léi,

Ach gur tharlaís féin ar mhachnamh
‘Bhí ag gabháil trí intinn Dé,
Is do bhís, is É, a fhile,
Gan choinne ar aon choischéim.

Seán Ó Ríordáin (1916 – 1977).

English.

Nascanna don Ghaeilge / Links to Irish / Gorgysylltiadau i'r Wyddeleg.

Baile / Home.