Padi: “Pan ddeuai’r plant o’r ysgol...”

Pan ddeuai’r plant o’r ysgol
Fe’i gwelsant ar y bryn,
Ei gôt fawr lwyd yn garpiau ar ei gefn.
Roedd y plant yn hoff ohono,
Ac yn hoff o dynnu ei goes –
Ond chlywais erioed mohono
Yn dweud y drefn.
Ac âi yn ôl i’r odyn galch,
Lle roedd yn byw ei hun,
Ac yno roedd yn cysgu
Gyda’i dân a’i botel win.

Fe ddaeth draw i Gymru
Ar ôl y Rhyfel Fawr
O Donegal a’i eiddo yn ei law.
Pum punt yn ei boced
A photel fawr o jin –
Cyrhaeddodd dre Caergybi yn y glaw,
Ac aeth yn syth i’r odyn,
Ac yno roedd yn cysgu
Gyda’i dân a’i botel win.

Un bore yn y Gwanwyn
Y crwydryn aeth i ffwrdd
Gan adael dim ond marwor ar ei ôl.
Tybed i ble’r aeth o,
Pererin mwyn y ffordd –
Efallai at ei deulu yn Donegal.
Ond roeddwn i’n ei nabod
Ac yn ei alw’n ffrind,
Ac rwyf yn dal i’w gofio
Er ei fod o wedi mynd.

Darganfuwyd yn yr albwm ‘Mynediad am Ddim (Mae’r Grwp yn Talu)’ a gyhoeddwyd gan Sain (Recordiau) Cyf yn y saithdegau. Cafwyd caniatâd caredig Sain i’w hail–gyhoeddi.

Y Ddraig Werdd Rhif 2

Gorgysylltiadau / Links Gŵyl Padrig 2004

Gorgysylltiadau i’r Gymraeg / Nascanna don Bhreatnais / Links to Welsh

Hafan