Muileann Tréimhín / Melin Trefîn



Níl an muileann ag meilt anocht
I dTrefîn ar bhruach an tsáile,
Faoin a luach ón doras docht
Do chas an capaillín scoir ón áille,
Is an roth a bhí tráth ag díoscán
Is ag seabhrán ar fud an bhaill,
ó bhásaigh seanduine na meilte,
Gach casadh is gluaiseacht do chaill.

Ritheann sruthán lách i dtólamh
Faoi bhinn lomnocht an tí,
Ach ní thagann neach le heorna,
Is sa bhró níl luas ná brí;
San áit a dtagadh ualaí coirce
Is an chruithneacht ghriandóite ghroí,
Ní bhíonn ach corr ghas luachra
Nó dual feamainne gan lí.

Cloch gan chor ag fairís na háite
Faoin ghaoth is faoin bháisteach cháite,
Leacht cuimhnecháin gan litir i gcló
Faoi na hamanna aoibhinne a bhí ann fadó;
Ach níl éinne ann atá ag meilt,
Seachas am na gruaime is na sín’
Go beo ag scaipeadh is ag meilt
Ag meilt an mhuilinn i dTrefîn.




Dán sa Bhreatnais, ‘Melin Trefîn’ le ‘Crwys’, ‘sé sin, William Crwys Williams 1875 - 1968.

Aistriúchán: Barry Tobin.

Nóta: ‘Melin Trefîn’: deirtear ‘meilin tréimhín’.

Grianghraf den mhuileann uaigneach...

Srálidbhaile Trefîn

Dán eile le Crwys: Scuabadh na nDuilleog / Dysgub y Dail

Nascanna don Ghaeilge / Links to Irish / Gorgysylltiadau i’r Wyddeleg

Hafan / Home / Baile.